"Nós precisamos saber galego"

¿Fai falla saber galego para apagar un lume?

Esa polémica é unha parvada incrible. Calquera empregado da Administración ten que saber galego, por lei. Pero é que, ademais, se alguén precisa saber galego somos nós, que andamos todo o día por vilas pequenas nas que non se escoita unha palabra en castelán. Fai falla para entenderse cos da vila e coas cuadrillas, e mesmo para a nosa radio interna, onde todo o mundo fala en galego. Para sacar a oposición, o único que hai que facer é dar un cursiño duns meses que pode aprobar calquera, e xa está. Aquí, en Galicia, hai moitos enxeñeiros forestais que son de Madrid, en Santiago, mesmo hai un marroquí, e se el non tivo problema co galego, non sei quen o pode ter.